Fréttir

Stelpur rokka á Músíktilraunum 2013

Á Sunnudaginn 17.mars hefjast Músíktilraunir 2013, en þar stíga á stokk 10 fyrstu hljómsveitirnar í ár. 39 hljómsveitir af öllu stærðum og gerðum, einherjar, rokkarar, raftónlistarmenn, harðkjarnasveitir og blúsarar munu gleðja augu og eyru áhorfenda í ár. Sérstök ánægja er með hversu stór hluti eru stelpur, eða 21 talsins. Fjölbreytileiki verður einkenni tilraunanna í ár og óhætt er að lofa frábærri skemmtun í grasrót íslensks tónlistarlífs.

Undankvöldin verða 17.- 20.mars í Silfurbergi, Hörpu og hefjast kl.19:30 öll kvöldin.
Úrslitin fara svo fram á sama stað laugardaginn 23.mars og hefst kl.17.

Allar upplýsingar er að finna hér á síðunni og líka er hægt að hlusta á lög með öllum þátttakendum.

Aðalbakhjarlar Músíktilrauna eru Icelandair og SENA.

Miðasala er á harpa.is og midi.is.