Músíktilraunir 2013, tónlistarhátíð í Reykjavík 17.-23. mars 2013



Upplýsingar



Músíktilraunir er tónlistarhátíð sem stendur yfir í 5 daga, undanúrslit 2013 eru 17.-20. mars í Hörpu og úrslit eru 23. mars einnig í Hörpu. Ungmenni á aldrinum 13-25 ára geta sótt um þáttöku með því að senda inn umsókn á netinu og greiða þátttökugjald. Undankvöld fara svo fram (4 kvöld) þar sem um 40 hljómsveitir keppa að því takmarki að komast áfram á úrslitakvöldið. Um 10-12 hljómsveitir fara venjulega í úrslit; fyrstu 3 sveitirnar hljóta síðan glæsileg verðlaun af ýmsum toga. Einnig eru efnilegustu / bestu hljóðfæraleikararnir valdir og vinsælasta hljómsveit meðal áhorfenda /hlustenda kosin. Undanfarin ár hefur úrslitakvöldinu verið útvarpað um land allt, auk þess sem að sjónvarpið hefur tekið það upp og sýnt síðar.


Fyrir utan þau frábæru fyrirtæki sem stutt hafa við bakið við okkur í sambandi við verðlaun sigursveitanna, þá hafa Músíktilraunir í gegnum árin átt góða bakhjarla. Þar má helsta telja Icelandair, FÍH og Rás 2. Nú í ár hefur SENA bæst í hópinn, sem ásamt Icelandair eru þá aðalbakhjarlar Músíktilrauna.


Hitt Húsið stendur að skipulagningu Músíktilrauna og býr þeim glæsilega umgjörð; hvort sem litið er til húsnæðis, starfsfólks eða tæknilega hlutans.


Að taka þátt í Músíktilraunum er frábær upplifun og ómetanleg reynsla fyrir upprennandi og skapandi tónlistarfólk.




Upptökur frá úrslitum Músíktilrauna 1992-2012